Luitar por l'Aragonés

Anchel Conte y Adolfo Barrena (Foto europapres)

O Grupo Parlamentario de Izquierda Unida  a presentau una emienda a tot o “Proyeuto de lai d'emplego , protezión y promozión d'as luengas y bariants lingüísticas propias de Aragón “ que estio presentau por o Gubierno de Aragón y que sustituyira a lai atual , aprebada en l'anterior lechislatura .

O escrito “ Lai d’Esfensa , Fomento y Amostranza d' as Luengas de Aragón” , a estau presentau  en as Cortes por o portaboz d'o Grupo parlamentario de IU , Adolfo Barrena y por Anchel Conte , escritor y miembro  de IU .

 Anchel Conte a considerau  " impresentable" o proyeuto de lai d'o Gubierno y a remerau que o Grupo de izquierdas  no refirmo a lai atual porque no establezeba denguna obligazion en l’amostranza d'as luengas minoritarias en a suya redolada, " y sapemos que a luenga que no s’amuestra  ye una luenga muerta”.  D’amesma menera que a normatiba atual tampoco reconoze  a coofizialida de l’aragonés y do catalán en as redoladas d'uso predominán.

 Fablar d'aragonés oriental y no catalán " ya no nomás ye azientífico , sino que ye una aberrazión ". Conte a prenosticau que l'aragonés no sobrebibirá más d'una chenerazión si en as escuelas no ye obligada a suya amostranza  y no se le da a categoría de luenga ofizial en as redoladas d'uso predominán.
--------------------

LIEDRERA OS TUYOS BRAZOS (Hiedra tus brazos) (Poema de Anchel Conte)

d’o posible naufrachio matutino de toz os días me libra o tuyo riso

fixau pa cutio n’as parez d’o cuarto que...fueron mirallo d’os tuyos uellos

cuan en revellar en feliz maitinada os reloches escondius acarrazaus en abrazo

liedrera perén verda os tuyos brazos toza cuasi seca o mío cuerpo

per as tuyas radices en el fincadas revivió dende abaixo

..

d’o vertigo d’a nueit me redimió a tuya parola

melodía de voces inconesas que sinse querer-lo forman sinfonía acordada

con a que zarrar os uellos esdeviene un exercicio de sana sobrevivencia

perque dezaga d’os parpiellos ilumina o relampiu d’a tuya gollada

--------------------------------------------

Del posible naufragio matutino de cada día me libra tu sonrisa / fijada de forma permanente en las paredes del cuarto que fueron espejo de tus ojos cuando al despertar en feliz madrugada los relojes escondidos fundidos en abrazo / hiedra siempre verde tus brazos tronco casi seco mi cuerpo /por tus raíces en él clavadas revivió desde abajo

..

del vértigo de la noche me redimió tu palabra / melodía de voces inconexas que sin quererlo forman sinfonía acordada / con la que cerrar los ojos s se convierte en un ejercicio de sana supervivencia / porque tras los párpados alumbra el relámpago de tu mirada