Pon as tuyas a remojar.

 " En as codas do Supermercau un mesache de meyana edá , sin mala pinta , un pai de familla , con o suyo carrichon berde de mercar,dintro dos cartóns de leche y dos u tres paquetes de macarrons , pediba con a capeza gacha  una aduya pa pagar unos produtos de primera nezesidá , no más de cuatro euros. Sentie un batan en o  corazón déban d' una situazión tan umillante, un ombre feito y dreito pidiendo ta lebar macarrons , tomate y leche ta suya casa . Le digo a la chen  d' o mío arredol que si metemos 50 zéntimos cada un l' ombre podrá pagar a cuenta y os suyos fillos  mincharán unos diyas . Fan como que no soy ,dica que digo un "me cago en todo o que se menea" a biba boz y como puedo , intento esplicar que isto nos puede pasar a cualsiquier de nusatros cualsiquier diya . Más silenzio . No mas una goleta ( d' as que abrá pasau fambre en a posguerra y sin dizir cosa , aduya con un euro , yo meto o que falta . L' ombre , abergoñau y con a barbilla tremolando, me mira de regüello y siento un "grazias" entrecortau. Más silenzio incomodo en as codas y en as caxas ."

" Ye a bitoria d' a idioloxía dominán : no en ai de pobres , o que ai son "loosers", perdedors.... Inadaptaus que no aprobechon as oportunidades que a man imbisible d'o mercau metió a o suyo alcanze . A pobreza ya no tiene una esplicazión sozial y politica ; responde a la galbana u incompetenzia d'o sucheto . Y nos l'emos minchau con trunfas mientras beyébanos "Sálvame" y bricabamos euforicos con os trofeos d'os nuestros equipos de furbol. "

" Mientres en Grecia, s'organizan minchadors y güertos populares  ta cubrir as primeras nezesidás , pero bels (os que tienen a culera bien aposentada) nomás beyen chen izendiaria ."

" Nega( LCDM)"