¡¡A petau a chumenera!!

No más a siu un espanto,no abiu desgrazias presonals. Pero guei os becins de Laspuña an corriu de firme al sentir o chillo de ¡¡Fuego,fuego!!, o fumo puyaba entalto,bien entalto y saliba por os bentanicos de Casa Sastrebarón,¡¡A petau a chumenera,a petau a chumenera!!. En un "no nada", en menos d'un santiamen, an apareziu as mangas de Casa Palazio, as calderetas y as maquinas de sulfatar d'altras casas, plenas d'augua a caramuello. Y al igual que as fornigas, todos a una, s'a podiu con o fuego. 

Dimpues y más calmos, s'an mirau os maderos y a comenera.(Ya sabez o que pasa, a o fuego le fa goyo chugar a o cu-cu y si no lo rematas bien rematau...torna a rebufar). Y asinas respirando fondo y toz afullinaus an mirau entalto y an bufau tranquilos.

M'alcuerdo que en os 60 ya se peto fuego ista casa, cuando asti bebiban os de Carpintera.