A bentana patalera

Güei domingo yeramos en casa fiendo o bermut ,¡¡Rinnn,rinnnn!!,Suena o teléfono y beigo en a pantalla que ye o numero d'os mios país. Namás descolgalo siento a boz de Bea (a mia mai) que me dize "¡¡Escucha!!", y m'arriban por o filo os compases d'una ronda. ¿Y ixo? le preguntau, "Son os mosicos da redolada que rondan dimpues de fer una misa con joteros. Son zelebrando a fiesta da suya patrona Santa Cecilia y s'en ban a minchar ta Casa Sidora", "Pero ¿as sentiu bien a mosica? E deixau a bentana patalera...".

Por ixa bentana que a mia mai a deixau patalera m'an arribau muitas cosas más que a marcheta d'os mosicos, ie sentiu en o tozuelo o fresco d'a montaña (no portaba boina), ie ixolomau o fumo d'as chumieras,m'arribau Laspuña, m'arribau Sobrarbe, m'arribau familia y casa ...