Zestero

Luis Arcas de Casa Santero de Laspuña en as añadas d'os 70

O de zestero ye un ofizio artesán y pueser que seiga d'os más antigos . Cuasi en todas as zebilizaziones en ai de rezipiens construius con materials bechetals y seguntes o emplego y o tamaño do rezipién se li da un mombre, cabazo , canasto , zesta ,cobaneta , esporton y atris.

Toz se fan con bimbre y a begadas con caña . O bimbre puede estar blanco u negro , ye dizir , espellejau u sin pelar . Un zestero ye un teixidor ; entrecruza os bimbres , a modo de filos, dica composar una pieza firme y espesa . A de ser un buen conozedor de l' ofizio y do comportamiento d' os materials que treballa y a de tener muita maña ta rematar una pieza perfeta.

Yo encara m'alcuerdo de beier a seño Luis fiendo as cestas asentau en meta da calle y me feia goyo cuando eba rematau o culo redondo d'as zestas y empezipiaba a fer-la puyar o con a destreza d'os malabaristas.