Y si no,no.

Encara se cuenta alredor do fogaril que un armitaño clamato Chuan , con deseyo de fer bida retirada , construyó ta si una caseta en o monte Uruel ( no muito apartau de Jaca ) ande debantó tamién una iglesieta dedicata a San Chuan Bautista ; a fama d'a suya santidá y manera de bibir fizon que li arribesen cuatro compañers que quison fer a mesma bida y cuan morio l'armitaño Chuan acudió muita chen d'a redolada a rendile omenache . Entre a chen tamien s'alcuentraban 300 o mas nobles y caballers que fuyiban d'os moros y allí reunius aclamon como o suyo Rei o Prenzipal a Íñigo Arista seguntes unos , seguntes atros a Garcí Ximénez , baxo o suyo mando ganon a gloriosa batalla de l'Aínsa a os moros (dende entonzes a capital d'o Reino de Sobrarbe ). Mientres transcorreba a batalla s'aparezio a cruz denzima a carrasca , d' astí o nome de Sobrarbe ( denzima do árbol o super-arbem ), y ixo fizo animase as uestes cristianas y ganar a batalla. Aquers ombres ficon o poder en mans do suyo chefe pero l'impuson bellas normas que teneba que cumplilas y redacton tamien bellas breus normas puliticas y zebils y les dion o nome de "Fueros do Sobrarbe" y cuan las teneba que churar le dizion a famosa frase "Nos que somos tanto como bos , pero chuntos más que bos , bos femos o nuestro prenzipal entre os iguals, con tal que guardez os nuestros Fueros y libertades , y si no , no"

Ixo ye o que nos deciban os nuestros antipasaus y asinas o cuenta a nuestra tradizión . Pero ye una pena que a os diyas d'ara non aiga arribau belún documento que faiga zierto o que tos acabo d'esplicar.

Ye a nuestra obligazion continar contando ista falordia a os nuestros benideros y que tiengan bien claro que os nuestros politicos son en a cadiera do mando ta respetar as nuestras libertades y os nuestros drechos y SI NO,NO.