Casa Modesto en Escalona

Con Modesto Bielsa d'Escalona estudiemos chuntos en o Instituto de L'Ainsa, antonzes le dizian C.L.A., el feia un curso o dos por debaixo de yo. Cada diya tenebanos que puyar y baixar con l'autobus que saleba dende Lafortunada y feba parada en Laspuña, en a Central, en Escalona que ya yeran asperando os de Puyarruego y Belsierre, en a Subastacion, y en Labuerda, rematando o suyo biache en o cruze de l'Ainsa.

O debenir da bida fizo que yo m'en fuese da redolada y Modesto se quedes en Escalona continando con a Carnizeria da familia.

Son pasadas ya muitas añadas pero desiempre nos alcuentramos con o treballo d'as nabatas ... ye normal ,mercamos en a suya casa ta fer os almuerzos nabateros. O trato ye bueno y a mercaderia tamien,y a mas alcuentras de todo.

O suyo fillo zaguero s'en biene de tanto en tanto a danos un golpe de mano y a beyer como femos as nabatas, de bien seguro sera un buen nabatero.

Pues ixo que le prometie que faria un post y sin dame cuenta ya le rematau.